歎筋

我迪奇好耐無咬過筋.，你哋唔好唬住又阻住至得架~~~

汪，我蘇菲歎緊，你哋咪行埋黎呀，吠爆你哋架！

綿

媽媽：阿線，唔駛搵碌柱遮住自己個肥身喎~~

肥綿：邊有遮住，你唔過來影之嘛！

媽媽：咦，阿綿，你好似無以前咁肥既？你，減肥呀？

急尿

媽媽：坐好啲呀你~~

你坐得好，坐定定，快啲吊完手~~

大寶：我急尿，我想去廁所屙尿~~
媽媽：搞錯呀你，成日打打水下急尿！屙遲一陣得唔得，咪走吖~~~
(上述事情，晚晚發生)

最愛迪奇的雲

小雲，唔駛成日黐得我迪奇咁實喎！

好啦畀你枕住啦~~

乖乖哋自己瞓啦~~~

洗碗

五隻貓洗碗

向毛毛衣物說不

LED燈

大家有發覺迪蘇家有咩唔同嗎？

之咪就係黃燈終於變咗白燈了~~

昔日的鎢絲燈膽水晶燈終於換咗LED燈了！同埋有水晶~~

一大星星一小星星，仲可以變黃變白，實在太好了！最緊要慳電~~

以為影你哋，相機唔駛調白平衡都可以影到正常日光色調了~~

靚包

係，係靚包包，但唔係你食架！

我前後發咗24小時，之前浸酵養種又成個星期，好難得出到個靚包呀~~

拿，望下好啦，我加左肥死人牛油，唔啱你哋食架！

merry

嗲人愛討摸摸愛抱抱的MERRY是個甜心可人兒，五個月大女仔。有裝窗網願意一生一世愛護永不遺棄，又有意領養，請聯絡義工MANDY FUNG(9662 3512)約探貓。

擱淺

迪奇：呢隻飛碟，叉一晚電，行得果一陣，然後就~~

擱淺~~~
好唔掂喎你！

新玩具

臭牀

好臭呀間房～～

又响牀頭屙尿？！仲新鮮，好壓呀！

豈有此理，好彩有多套牀單可換！

你呀，我知道係你呀馬花！太可惡了！

無活力

媽媽：迪奇，呢幾日好似無乜活力，成日瞓咁既？
迪奇：有啲攰...
媽媽：今朝畀你嚇死，我同貓開飯你都無應？我即刻打電話去太平道插booking！
好似之後到你開飯時你好快咁食哂，有胃口，我都安心啲！但你都差唔多要覆診，幫你book咗星期六，驗下血穩陣啲！
蘇菲，呢幾日我番咗工後，好好地幫我照顧迪奇哥哥呀！
蘇菲：遵命！

sunday tea

悠閒下午，貓午睡~~

懶洋洋~~

忽然聞到香味~~

嘩，大家米搶呀~~

排食嗎？無你哋份呀！呢啲肥包我架！
你哋~~~
食魚仔乾啦~~

貓吃雞肉鬆

材料：法國有機雞柳，p仔bmt 1000整~~

唔好偷食呀！

拿拿拿，咪搶呀~~大家一齊食呀！

得啦，呢盒分呢邊~~

點解用新麵包機整，整完得咁少，呢條明明係一盒雞柳，八十蚊，整完得咁少~~~嗚.....

米搶

二寶：喵~喵~喵，好味呀，好似好好食咁......

媽媽：拿拿拿，呢份多士係我架！你哋唔好搶呀！

安靜

雪雪呢排乖咗，叫少咗~~

不過仍然唔合群，仍然鍾意自己一個貓獨處~~
係唔係時候~~可以同你搵家呢？

黐住哂

大寶，做乜你黐實我迪奇，唔通係因為我夠暖？定係其實你當咗自己係狗呀？

加量

我蘇菲尋日同今朝都瀨尿呀！鳴，明明食緊收音水嘛！
依家媽媽話要跟醫生指示，加量，每日早晚食0.14ml~~~嗚...橙呀！

找回主人

米高大哥，憑住呢隻紅色尼龍繩，我哋終於幫你搵番主人了！

不過呢個嘈死貓大噹噹頸圈，都要要除，唔想你再被綁住~~

話說星期五，有人在網上通知我彩虹華麗髮型屋登咗尋貓告示，通知哥哥去睇下，點知話唔係，店員話可能係另一個同邨婆婆走失的，哥哥留低電話睇下婆婆會否聯終。
星期六，你主人打電話畀執你既好心哥哥，再由哥哥通知我，我問明情況後上埋婆婆屋企教佢裝窗網同防走貓措施。去到見到你有乾淨貓砂、食水同乾糧，知道婆婆好鍚你！決定絕育後送回婆婆家。
今晚，响我屋企怪叫發脾四既米高由義工接走咗，明日絕育後就同婆婆團聚了！

大浪西普查

我哋今朝又出動了~~大浪西，好大風呀！

今朝出發時得十二度，到達大浪西仍然好凍，無太陽，一路陰陰天咁~~

我迪奇，今日係陪媽媽到大浪西做狗口普查~~

呢個時候可以自由跑沙灘，因為已經普查完，有六隻狗未絕育~~

媽媽登記好，我哋又跑夠，要回家了，費事冷親啊~~