豐衣足食健康同過每一天

2015迪蘇家貓貓齊齊整整~~

吃過除夕魚柳~~

迪奇蘇菲：呢兩條我哋架，唔好同我哋爭啦~~~

媽媽：今年你哋豐衣足食，下年一家貓狗要齊齊整整健健康康同過每一天呀！

迪奇行得好

迪奇：睇下我雖然少少頭側，但行動好OK架，雖然失方向感，但花多少少時間都搵到路，知道媽媽响邊，知道飯枱係邊！
仲有，今日DR. KAREN打咗電話畀媽媽，PCR報告顯示我無牛蜱熱！咁點解血色素低呢？腎指數無事，又無糖尿，咁...就觀察住，醫生叫我食多啲牛肉補下血喎！好嘢，有牛牛吃！

疑似牛蜱熱

媽媽：迪奇，好好休息，吃咗止暈丸，應該會好啲！

媽媽：一年大檢，估唔到發現你HCT低咗，得34.1%，比正常低！懷疑牛蜱熱！

媽媽：好彩PLT無低。dr. karen送咗你的血出來做牛蜱熱PCR test~~

媽媽：前庭炎vestibular disease病徵唔嚴重，如果好彩一星期後會自己好番，但呢段時間可以吃止暈藥，有需時先服。
另外牛蜱熱都未有結果前都要開始食四圜素(doxycycline)~~
迪奇加油！媽媽在身邊，唔駛驚！

側頭

媽媽：迪奇，媽媽知道你有病，頭側了，暈陀陀，失平衡，眼不由自主地跳。明日book咗太平道睇karen醫生，唔駛驚，媽媽在身邊呀~~

血案

好多血呀~~

GOOLOO唔駛驚，媽媽呵番~~

抹乾血跡後，見到你有好多牙印~~

好彩肚肚無傷~~

唔駛驚，媽媽幫你消毒傷口，好快好的！

暖氈效應

BOXING DAY，拆禮日，迪蘇家無禮物拆，只有暖洋洋。
雖然今晚唔凍(其實室外凍架！)，但迪蘇家都要開暖氈~~
一開暖氈，就係咁情況咯~~~

溫暖聖誕夜

天氣又轉涼了，16度的室外氣溫，20度的室內氣溫，有電暖墊的梳化，sorfu溫暖聖誕夜~~~

平安魚柳

平安夜，點可以無魚柳扇呀！
祝大家聖誕快樂~~

濕

小雲：今日天氣潮濕，好似春天咁！
乜春天到咗咩？
(今日相對濕度係93%，全日氣溫徘徊22-23度)

王子成功了

王子由今年二月入室至今，不經不覺已經十個月，估唔到在不勉強下，在不太理會下，王子靜靜觀察，真係好識咗做家貓~~王子你好叻啊！

王子仲係好惡？

樹窿

媽媽：迪奇，又扮貓？
迪奇：狗唔入得咩？邊個話樹窿只有貓入？
迪奇：你識歎啦，呢個樹窿話哂新買，入面無乜貓尿味，你歎下啦~~

唔怕凍

媽媽：大寶，做乜成日個樣咁秋？

大寶：你要着衫，梗係愁！我在大壩歷盡滄桑，唔怕凍架！
媽媽：噢，咁幫你除番咯~~

邊個醒啲？

馬花好醒，捐被竇~~

Gooloo做乜縮到成個露宿者咁~~

都係你哋最醒啦，黐實暖氈唔郁~~

我家溫暖

當室外氣溫只得11.6度時，我哋一家貓都黐實電暖氈~~唔郁！

着衫啦

媽媽：剪咗隻襪畀你做衫，乜着得你好似咁凍咁？

gooloo：件衫好短！

媽媽：咁都係着呢件咯~~

新車出動

蘇菲：我哋今日坐新車~~

有啲唔慣添，車車好高，seat位好跣呀~~

不過唔緊要啦，坐坐下就慣！而且車車都係載我哋來去玩啫，好快落車！
今日我地有得黎彭福啦~~

喂，你個pepper，咪成日搞住迪奇哥哥先得架！

吠你架！
pepper：好驚呀！

哈哈，好男丕與惡女鬥呀！

今晚天氣會轉涼呀！好彩衣家有陽光啫~~
hea完，番屋企沖涼lu~~

車到了

成日星期無車用，預定明日有，點知今日到手，太開心了！

美美，媽媽架新車到咗啦~~不過美美唔會鍾意坐車，因為坐親車就係去診所.......

好耐無同迪蘇去街啦，明日一定要去玩~~

又換芒

上星期日，mini跪低拖走後回到家，就見到咁樣樣~

之後個芒就變成咁樣樣~~

本來諗住車到後先去買，但忍唔住啦，最多搭的士抬番來啫，好彩新芒唔重，有手抽，拎上小巴唔辛苦~~

砌好了！yeah~~~

唔啱身

媽媽：由頭笠到腳~~

媽媽：坐好影張相啦~~~
gooloo：唔啱身呀媽媽，頂帽笠住我個頭呀~~

媽媽：咁又係，等媽媽諗住點改呢件雙面褸先~~

食多幾片

媽媽：成日唔記得畀你哋食，.好啦，既然有新鮮的，就食多幾片啦~~

無反應

小雲：喂，BB，醒下啦~~
噢，無反應既？
媽媽：尾都無咗，BB rip~~

給美美的話

美美啊，今天是你當小天使第三星期，媽媽午間在和暖的陽光下，完成了第一次傳心練習，過程很順利啊！
希望媽媽學有所成，掌握好，循步漸進，明年這個時間就可以直接和你溝通呀！

開餐啦

奇景

媽媽：咦，點解今晚咁奇怪，咁少貓守住風乾機？
小龍：媽媽，有我守護住，唔駛驚有貓偷！
小寶：我都會守護住！

凍凍都要打水

大寶：好凍呀！
媽媽：所以開咗電暖墊畀你哋咯！衣家暖埋包皮下水，等你一陣打水時無咁凍，睇毛幾咁體貼？
大寶：唔打水得唔得？
媽媽：唔打水，你係唔係想快啲死？乖啦，好快打完！

再見mini

十年了，你真的太勞累了！
再見了，陪我度過多少風雨的mini~~