忙~sunday

肥綿，又坐定定等我影？

你哋乖，今日無搞搞震，畀我安心做嘢！

蘇菲你啲鬚好核突，對腳毛毛又因為漏尿而污糟同黃琴琴，我都好想幫你洗乾淨，但媽媽真係忙到無停手！希望過兩日可以幫你沖涼啦！

葉喵

大寶有幾重

大寶由五月救起到迪蘇家已經半年啦，由瘦蜢蜢到今日長番唔少肉。大家估下大寶依家有幾重？

有心事的白雪

白雪媽媽，你點解成日叫呢？究竟有咩心事呢？你乖啦，安心做家貓啦，你唔乖乖，安靜啲，點同你搵個好貓奴照顧你一生一世呀？

死性不改

媽媽：你講，你該當何罪？！

媽媽：死性不改，無得偷襲小咪就偷襲肥綿！今晚仲偷襲小虎？賤！
坐監啦你！

hea遊彭福

睇下我哋幾fit？

今日我蘇菲同迪奇哥哥無去塔門~

轉跑彭福，今日天氣有啲啲熱，彭福hea下最好了`~~

爽呀，歎午後陽光~~

依家開始日短，好快天黑，不過都夠我哋玩夠hea夠了~~下星期二如果媽媽又放假就好了~~

4大天王

4隻塞豆窿己經放監好耐，早幾日可以出廳玩~~

小朋友又要玩又要驚~~

捐來捐去無時停~~

又搵到位瞓覺~~不過~~瞓覺要入籠架，費事半夜搗亂亂屙尿或上牀畀我責扁....

午睡大合照

悠閒新地午睡大合照~~大寶，你瞓得C服嗎？

好忙的周末

忙，無得玩，要開工，開完工買本雜誌有對貓鞋~~

忙完放工，準備腸粉3寶~~

有得食啦~~終於有齊醬腸粉~~

食完，好好休息，你哋三個，都要好好休息啊~~~XDXDXD~~

新窩

迪奇：乜黎？我又玩！

小黑：你唔啱玩！我哋啱玩~~

二寶：係我玩既！
小克：一貓一個，咪同我爭！

新噹噹

大家認得呢呢個噹無？

無錯，粉紅色就係掛响我蘇菲頸上~~

藍色係迪奇哥哥的~~

呢兩個新噹據說可以防蝨防蜱喎~~
雖然唔知係唔係真有效，所以我哋去玩都有噴防蝨噴霧，希望蝨蜱都唔好上身！

唔做幫主

尋日出發時有姨姨見到我哋呢張相，立即話：「參見幫主~~」
OMG~~

好彩媽媽一早BOOK咗健哥哥，番到屋企即剪毛，脫離幫主LOOK~~
睇下今朝我哋幾醒神！

開心就係咁簡單

好開心呀，我蘇菲今日又遊塔門~~

今朝又大風有有太陽，好爽~~

我哋又係吹到鬚到亂~~

由於今朝有本地旅行團，我哋為咗避開人潮，等咗好耐佢哋先走哂~~

今次我哋上最果個涼亭hea一陣先~~

等所有人走哂~~我哋先落番黎，然後悠悠閒圍島一圈~~開心就係咁簡單~~

環島遊後施施然咁落番士多配媽媽食晏~~跟住趕出西貢再趕番屋企，~~~做乜呢？

難得悠閒~~

好難得悠閒的星期一夜晚，唔駛趕稿趕到死死吓~~得閒影下你哋啲衰樣~~你個肥綿，唔好咁屎面好唔好？

都係美美最靚女，最得人鍾意~~

迪奇好悶係無？好啦你今晚瞓飽，聽日去跑草~~

蘇菲你都係，飲完水水好瞓覺啦，記住唔好瀨尿呀~~

瀨尿

今日媽媽又捉咗我去沖涼，唔係因為皮膚問題。我啲皮膚炎已經好得七七八八，只係~~我又瀨尿了！
最近我蘇菲成日瀨尿，有時又會在牀上留下一粒屎！究竟點解我會咁架？
我係唔係有病呀？定係我老啦~~嗚嗚~~

又5條！

又開新魚柳~~今次係五條！

係，係我陳小咪開既！鬼叫你唔收得密啲呀，咁容易攞到，唔好怪我，怪你自己啦媽媽！

霸位

天氣真係涼，外面又落雨，一食完飯，貓貓已經上牀霸定位了~~
記得今晚留番個位畀我呀！

凍呀！

今早氣溫下降至18度，貓地狗地~~係咁樣瞓的~~~

塔門真好玩

嘩嘩嘩~~真係好大風呀~~`

吹到迪奇哥哥啲鬚鬚都亂哂籠~~

真係好爽呢~~
唔好以為我哋今日又有得去塔門~~其實係上星期電腦壞咗後抄唔到相，媽媽到今日先抄番，見到呢啲張，好開心，再記錄多次先~~
yeah~~塔門真好玩~~