抗疹

媽媽今日同我沖三條毛~~

因為尋日明明好轉既疹，今日多咗~~~左大髀都一大撻~~

肚肚仲比之前紅咗~~

係，我認，係我蘇菲痕痕忍唔住lam，搞到咁！
沖咗今日後，媽媽話三日後再沖，配合埋早晚一次噴神仙水，希望今次~~~可以自己搞掂，因為今年已經因為濕疹而睇咗五次醫生食咗五round抗生素，我，唔想再食，媽媽都唔想我再食~~

忙呀！

蘇菲：今日星期六，媽媽好忙，朝早去咗做嘢，下午同殘障小B一家搬竇，由細房搬入睡房，之後又帶馬花同豆豉眼妹妹去打針，然後又要開始寫稿~~

迪奇：我哋做仔女的，只能乖乖陪伴啦！本來聽聞天朝去獅子會玩，但依家知道可能落雨，唉，唔通天日又要做悶狗？

討厭的濕疹

好慘呀，濕疹又黎啦~~

點解你係要唔放過我蘇菲！好彩今日阿媽發現咗，即時抹消毒藥水。聽日，同我用三條毛沖涼！討厭的濕疹，快啲走呀！

熱水爐女王

唔好阻住我瞓覺~~

賤貓烏嘴，你咪埋黎呀！

你哋都係，通通同我退下，今晚呢度係我小咪做女王！

咪駛旨意同我爭王位！

努力清倉

真係唔點唔知零食多，媽媽今朝發現我哋仲有好多好多未開既零食，為免放到過期，今晚先KO花膠骨~~

班細路又催消夜啦~~

一包15條魚柳畀哂你哋啦~~~
聽聞有姨姨去咗日本入貨，我哋既零食又就黎到貨！
我哋要努力清零食倉了~~YEAH~~

細路好曳

啲細路好曳呀，無時停~~

可唔可以靜啲呀，阻住我迪奇休息瞓覺~~

馬花仲爬？教埋細路啦~~

蘇菲：你哋精精哋咪嘈親我，唔係~~~吠爆你！

3腳bb尋家

8號西北烈風夜

打風夜，豆豉眼妹妹拖住馬花姐姐手仔瞓覺~~

雖然外面風聲呼呼，但靚仔番既寶寶就好似咩到唔驚咁，仲屈哂手擺甫士休息~~

小咪呢，今晚位領咗爐頂~~

貓貓各佔梳化~~

蘇菲當然係匿埋茶几底瞓覺啦~~

我迪奇，負責睇實班細路~~

喂，大妹細妹你兩個，入到黎唔好掛住追掛住玩，好好地休息啦！仲有，今晚半夜唔好賴尿，唔好咬電線呀！

打風前夕

一號風球的早上，好熱，無開冷氣下，啲貓貓霸哂牀位休息~~

豹仔個熱水爐畀小咪霸咗，被逼瞓牀~~

夜晚，飯後，大家又霸好位，馬花獨享倒吊牀~~

係啲BB先做到~~

我迪奇醒目，霸定樹底，安全~~
我家呢個避風港最安全，希望呢個超級颱風唔好咁超級，外面的貓貓狗狗快快搵到避風港.....

酷刑

我寶寶因為滴耳油，滴到變咗油雞，油立立，成隻貓瘦哂，媽媽話好肉酸~~

終於，今日畀媽媽捉咗佢行酷刑~~沖涼~~

沖完，有番個巨胸，但個頭呢，都係細細咁。幾時先變番有型飽滿呢？

人狗貓慶團圓

這夜明月皎潔~~

我哋迪蘇都齊展八月十五賞月光~

家家好似我哋狗貓咁和諧~~

豹豹都唔射尿住~~

不過寶寶被影八月十五後竟然對住媽媽射尿~~

仲有兩個小朋友玩激射！
今夜我日人狗貓團圓，無月餅，但有消夜！
食乜？唔話你知......

淺水灣的月光

點解，因為要帶大細妹去領養分唇咯！獨留二十個兒童在家，好彩有我迪奇同蘇菲睇住，等到十點媽媽回家都無搗蛋，所以，明日獎我哋食大餐，然後魚柳消夜畀貓，骨骨宵夜我哋！yeah~~

契媽呀

上星期二彭福見唔到契媽，今日~~有無緣呢？

契媽，終於見到你啦~~

好耐無食過你啲片片啦~~

yeah~~開心！

蘇菲：食完契媽片，我蘇菲都靚女啲！
契媽，下星期二我哋又再黎，記得留啲片片畀我哋呀！

蘇菲：唔記得講，今日彭福好清涼，秋天真的來了！

迪奇：係，好舒服，但係，可唔可以熱一日畀我哋去游水呢？

幾時停yahoo？

自從九月在BLOGSPOT開咗BLOG後，我哋就兩邊寫，果邊諗住寫到九月底，十月一日就正式告別YAHOO BLOG，然後先申請備份！
但係兩邊更新，有時都覺得好煩，所以，我迪奇諗緊提早結束果邊！
但係又擔心關注我哋既卜友唔知我哋搬家，所以，WELL，寫得幾多都幾多日啦！

等？

媽媽：各位細路，唔好圍住我喎~~

迪奇：等派宵夜嘛，今晚有無架？

蘇菲：唔好等我地痴痴地等餐懵啊~~

媽媽：係，尋晚係有得食，但今晩休息吓啦！頭先食罐罐已經有幾個食得太急而嘔番出黎！乖啦，過兩晚先吃宵夜吧！