悠閒

全日煲劇，超正！

 

脹卜卜餃子耳

媽媽：幫你book到星期下午睇莊醫生呀，忍耐下...

圓圓：我無嘢喎，食得瞓得....

媽媽：我知....滴耳唔好逃跑就得...

 

又有貓耳血腫？

媽媽：今朝發現你突然dup耳，望真啲原來耳血腫！

打去診所試下book，星期六同下星期一都full，

惟有明日試下打去排候補~~

好彩仲有之前用剩殺菌滴耳藥，用住先啦~~

圓圓：溫柔啲唔好咁大動作呀...

媽媽：知道！

 

有無溝通？

櫃頂住客：小美

三樓住客：珠女

媽媽：你哋有無溝通架？

 

要訂藥

非常重要的莫納皮拉韋Molnupiravir，

                                   原是新冠抗病毒藥，

                            後發現可以治貓fip及貓口炎，

            迪奇對441出現抗藥性後都係靠呢隻藥醫好傳腹，

                        鳯鳯珠及恐龍仔都係靠佢治好口炎，

                     最近鳯珠同恐龍仔口炎復發，要再服。

                     之前兩樽都差不多用完，明天訂藥！

 

14.6g/dL

今日捐血血色素有14.6，好叻，

除咗捐血一個星期前有食補鐵丸，

亦估計同我日日落樓下七仔食$10下午茶燒賣或魚蛋配阿華田有關，一杯阿華田嘅鐵質夠每日20%需要！

 

行近即變臉

媽媽：好梳乎啊小美妹妹~~

小美：你你你咪行近呀........

 

食藥放假一天

媽媽：鳯鳯珠準備逃跑咁........唔駛驚喎，今日星期日，

食藥放假一天啦，

明天才逃吧......

 

花姑娘御膳

晚餐：加紫色nano褐藻糖膠同埋腎補充劑~!~!

花姑娘請用膳

 

幾時先肯落地？

小美：你唔望我，唔關注我，

我自然就落....

 

買定蟲草

托媽：報告花姑娘，你的蟲草膠囊已經買到，

或許明天送到。

請乖乖吞。

 

同一色系

氣溫稍跌，今朝18、19度，

即開暖爐~~

 

忘記咗？

托媽：咦，珠女小姐，點解隻腳向出面？

珠女：個身枕住已經好舒服~~

(唔記得照顧隻腳....)

 

 

收貨

蘇菲：魚柳一箱，收妥~~

 

將就下

\

托媽：唔好意思花小姐，因為個盆沉緊嘢，

今晚都幾暖，我就唔座暖皮下水，直接打，OK嗎？

花花：都打緊水啦，仲問，我有得話唔好咩？

托媽：多謝花小姐體諒...

 

大霧

大妹：好大霧呀，又潮濕，好彩無落雨....

 

2.5kg

媽媽：記錄低先，今日上磅有2.5kg，唔錯唔錯，

繼續努力食，

唔好驚我就好啦~~

小美：請保持拒離！

 

明明19度

明明係19度的早上，

但尋晚大風，屋內有啲涼，開暖爐瞓，

今早起身，大家都仍然黏住爐神~~

 

枕頭被霸佔

 

回復4KG

迪奇：媽媽成日捉我磅重.....

媽媽：媽媽好抵能，之前同你上磅赫然只得3.5kg，

好驚你fip復發，然而又未book到醫生，

於是開始抗病毒藥先，以防萬一真係fip.....

點知幾日前，反轉個磅發現四隻腳中其中一粒歪咗，

移番正後，發覺你有4kg！

唔怪得之，同幾隻貓上磅都突然跌咗0.5kg......

 

蘇菲霸位

蘇菲：媽媽大髀成日畀迪奇哥哥霸住，

今晚到我霸先！

 

試坐

媽媽：點呀Bu B豬，試坐媽媽大髀感覺如何？

Bu B：唔錯，幾C服...

暖窩到

珠女：正啊，新窩~~

媽媽：今朝起身天文台app話有16度，

但我感覺好似13、14度咁，

雖然只係凍兩日，為免凍親都係幫你買番新暖窩，

(舊果個洗咗未乾透)~~

今晚臨瞓前開埋暖爐閂埋房門，暖笠笠到天明~~

 

保持距離

小美：咪埋黎啊，想點啊？

媽媽：咩姐，望下之嘛，咁到唔得？

小美：保持距離啊，我驚驚....

 

終於涼番

蘇菲：經過幾日夏天，尋晚開始落雨，

然後今日變番冬天...

 

繼續搶

媽媽：又搶我碗大光面？

蘇菲：我搶上面啲餸咋嘛.....

 

蘇菲搶食大光面

媽媽：唔准出爪！

蘇菲：睇下你快定我快！

 

18度嚵！

明明18度，點解感覺仍然咁凍？

 

同一張相？

今早起身見到又係咁，

不過今早係16度~~

 

今早9.8度

9.8度的早上，當然唔會離開暖爐~

 

是夜11度