迪奇與蘇菲
狗狗不可以日日困在家,狗狗不能滿足於兩餐一宿,無街去的狗狗,如同家中擺設,長久會黐線!狗狗生活其實可以多采多姿,上山下海喪玩吃盡美味,今日我迪奇同蘇菲就示範如何過快樂狗生!
2020年6月30日 星期二
28/06都係浸水
2020年6月29日 星期一
烏嘴剝牙
烏嘴:我今日好叻...
驗血報告誇啦啦,紅白血球一切正常~
球蛋白高少少都常見於牙患貓~~
今日我剝咗好多牙......
媽媽:估唔到你啲牙都咁差,
好彩有人取消Booking所以先可以咁早搞掂
(原定預約係7月21日)
休息幾日...
你之後食嘢該該唔再痛啦.....
2020年6月28日 星期日
沙灘喪狗
2020年6月27日 星期六
保持距離
媽媽:喵喵公主,唔好成日避開我啦........
喵喵:你哋人類會食我架.....都係保持距離安全啲...
2020年6月26日 星期五
胃口好
媽媽:小露露,你呢排胃口唔錯喎.....
小露:你多啲開罐罐,我就胃口好...
媽媽:遵命!
2020年6月25日 星期四
糉子節
媽媽:今日糉子節,小露露眼看手勿動啊!
小露:知啦,我只吃罐罐~~
媽媽:乖女!
2020年6月24日 星期三
左右窗神
左)Gooloo:做乜影我?
左)王子:唔我阻我洗腳~~
媽媽:唓,影下唔得咩....
2020年6月23日 星期二
一齊睇醫生
烏嘴:望咩呀死靚仔.....hisssssss
Fred:望下唔畀呀?
Merry:呀........
莊醫生:剝牙傷口埋哂啦......
烏嘴:做乜拮我pat pat?
莊醫生:探熱啫!你入面牙肉經哂,又有牙石...
好啦,下個月21號見,到時先驗血,無問題就洗牙、剝牙........
2020年6月22日 星期一
又壞芒
保護電視工程完成,今日突然壞電腦芒!
即刻擺番之前買的二手臨時芒出來,
點知.........已經有死線........
又要換芒......
2020年6月21日 星期日
防尿罩
防水牀笠變身電視防尿罩~~
希望成功擋得住!
2020年6月20日 星期六
又去沙灘
2020年6月19日 星期五
星期五很累
人貓晚飯後,終於可以休息........
2020年6月18日 星期四
麵店公主
天天去吃麵,為見公主多幾面~
2020年6月17日 星期三
27隻糉
兩斤糯米+一斤綠豆=27隻糉!
2020年6月16日 星期二
難服侍
鳯鳯豬:E~~E~~
莊醫生:左邊牙肉仲有少少紅,但已好番好多~~
莊醫生:右邊都有少少紅,但好過左邊。
康復幾好,無咩事唔駛回來覆診了~~
媽媽:鳯鳯豬好叻女呀,剝完牙食到嘢,今日體重都上到2.3x~~
不過你啲嘴刁性格真係難服侍,
肉肉巏罐雪過唔食,
其他貓最愛的kakato吞拿魚雞罐唔食~
肉醬罐唔食但只食肉醬小食,
食完兩條又問攞來食....
開咗罐罐唔食,
然後走去食乾糧?真係難服侍啦!
2020年6月15日 星期一
五角糉成功!
以前端午都係阿媽包糭畀我哋食,
呢兩年媽媽身體唔好叫佢
唔好包,
今年我終於學識包糭,
有低鹽少油蛋黃鮑魚糭孝敬
阿媽了!
2020年6月14日 星期日
中年發福
媽媽:王子,因乜咁愁?
王子:我好似肥咗...
媽媽:當然啦,貓到中年嘛......
王子:咩中年喎...
媽媽:你已經入室五年以上,加上你在外流浪最少一年,
加埋仲唔係中年?
王子:..........
2020年6月13日 星期六
鸚鵡��來臨前去游水
2020年6月12日 星期五
觀天
媽媽:Gooloo少爺,睇雀嗎?
Gooloo:睇天呀,就黎打風啦.......
2020年6月11日 星期四
學包糭
睇YouTube學包糭,成!
2020年6月10日 星期三
Merry洗牙剝牙
媽媽:回家咯,今日莊醫生幫你洗牙同剝咗後排爛牙,
之後食嘢唔再痛。
仲有做乜你今日又輕咗少少,得一點九幾公斤,明明上次都有二點一幾公斤架...
回家努力食嘢啊!
另外醫生話你今日屙屎水,
希望你只係嚇親屙爛,
之後幾日都食罐罐,努力增磅!OK?
2020年6月9日 星期二
雨後散步
2020年6月8日 星期一
又扮馬騮
2020年6月7日 星期日
爛pat強上堂(5/6)
2020年6月6日 星期六
叮噹的衣櫃
媽媽:做乜又推開我個衣櫃?
小虎:我哋係叮噹,入衣櫃瞓係正常....
媽媽:明明加咗三個安全扣,都幫我整甩哂.......
2020年6月5日 星期五
上堂
爛Pat強:做乜困住我?
媽媽:今日要上堂呀.....
2020年6月4日 星期四
又肚屙
媽媽:小虎,肚屙就唔好再食乾糧啦,乖乖地食生肉糧啦....
小虎:無胃口....
2020年6月3日 星期三
晚餐
媽媽:今晚食呢啲...胡椒餅...
烏嘴與小風:好似好好味咁...
媽媽:辣架,你哋唔食得....
2020年6月2日 星期二
剝剩兩隻牙
媽媽:一入袋就叫,知你好驚驚......鳯鳯豬忍耐下,好快無事...
朝早十點放低,夜晚五點幾接番,醫生話你啲牙又爛又碎,
剝剩下排兩隻犬齒咋.....
好啦,食完AD糧好好休息...
過幾日就適應.....
2020年6月1日 星期一
小咪10歲
媽媽:陳小咪你今日10歲生日呀,做乜匿埋梳化底?
小咪:安全嘛~
小咪:等我睇清楚有無危險先出來嘛......
‹
›
首頁
查看網路版