貓奴血淚史

貓奴血淚史，用接近10cc血，換來成功餵兩粒藥....

全部都乖

好開心好開心~~

尋日天氣係超好，陽光熾熱，水好暖~~

所以我蘇菲唔似上次咁一落水就震騰騰，仲可以游水~

大妹都好叻游~~

細妹都一樣叻~~
媽媽仲話大妹會睇住我蘇菲游水，隨時照顧我。大家都好乖~~

睇唔到都可以游水

我蘇菲大約在舊年十月間睇唔到嘢，但無論在家或去沙灘散步都可以憑視覺以外的感觀適應。
今日係本年度第二次南風樂游悠，媽媽試下在淺水放低我，我落到水自自然然雙手雙腳開始游，原來，我到憑感覺都游到！
動物的力量是強大的，你哋人類要好好學習啊！

茶禪

陽光普照下，有緣又來慈山寺~~

平日和蘇菲在長徑沙灘遠望慈山觀音，今日在此眺望馬鞍山~~

今日係來參加茶禪啊~~

今日座位對正冷氣風口，好凍啊~~
加上法師講道有點悶，搞到我有睡意~~
但有睡意好啊，放鬆嘛~~
睇下下次幾時又有緣來聽道....

肥貓爸爸打水

小健陪瞓

媽媽：小健，做乜衝入房呀？好啦，今晚就响度瞓啦~~

早晨呀小健，有小健陪伴真好~~

一齊打水

樂樂乖喎，打皮下水唔會周身郁~~

肥貓爸爸到你啦~~

你兩個，日子未必好多，總之食得瞓得就好！

胰臟炎樂樂

樂樂：做乜捉我泥呢度？
媽媽：你鼻塞一路唔好，洗極鼻食埋朱古力都無改善，今朝又唔食嘢，梗要睇啦~~
點知，醫生發現你眼白黃咗，肉球又淺色，即有黃疸同貧血，大劑~~

驗完血，hct19.3%，貧血呀！
白血球鬼咁高.........

ALB/GLOB係4，唔排除FIP呀！(0.8以下就有機會)
AMYL又高，胰臟炎快速測試IPL係positivbe呀！

有病要食藥啦，食藥啫，唔駛咬爆我手指呀？
好彩頭先打水乖啫！
你明天吃藥唔好咬我得唔得？胰臟炎寶寶！

噪音

                                                      好嘈，非常討厭，嘈死貓啦！

臭豬

媽媽：自認係高貴白貓，理應舉止優雅，渾身散發貴氣，
但點解你在現實係散發臭味，將自己藏身的地方，變成私家廁所！
王子：我喜歡！奴才，下退！

花禪

今日又訪慈山寺~

參加花禪~~
本來這張花畫，中心的水碗代表心澄明如鏡~~

但沒料到最後所有同學要將花放到台前長枱影會照，在三扒兩撥下，花花變成咁~~
這就是人生

三條毛又來

我蘇菲又要沖三條毛啦，呢排肚肚都有少少皮膚炎，媽媽話要一星期沖兩喎！不過星期日沖完都今晚先記得~~
無記性！

朋友

媽媽：靜宜，有朋友來搵你呀~~

朋友：hi，你好，我係george，星期日已經响度啦，同我玩吖~~

鱷魚

媽媽：Gooloo扮鱷魚，好可愛~~
Gooloo：媽媽你整蠱我！

腎衰竭啦

媽媽：肥貓爸爸，終於知道你點解愈來愈瘦，原來你已經腎衰竭啦.....
肥貓爸爸：係咩，你又知？
媽媽：你乾爭爭好脫水，夜晚幫你打完100ml水，第日又脫過！
前日見你屙果篤尿淡色好似水，聞落又落尿味，好明顯係腎衰竭啦！
你响花檔住任十年唔知食埋啲乜垃圾糧，又無乜水飲，唉，都預知你有呢個問題！
乖啦，開始食腎糧，打水要乖啲唔好周身郁呀！
希望你安樂過埋剩餘日子啦！
好彩你兩個女肯飲水.....

鍋霸

媽媽：肥綿又做鍋霸？
肥綿：入面啲嘢食係我的！

停雨就好

今日幾乎全日落雨，直至傍晚，媽媽趁無雨同我蘇菲去行下石灘咯~~
下雨有時幾好，因為成個灘都無乜人~~

以前呢個天空之鏡位好多人逼埋影相，今日無人，超Good，
我蘇菲都係第一次可以坐上石躉。

一齊剪髮

媽媽今日出去剪頭髮，然後番來幫我蘇菲剪毛髮，我同媽媽都精神哂！

乞衣王子

星期日有善心一家來探你，你你你竟然匿埋....消失.....
好啦，人哋走咗，你先出來~~
有豪宅王子唔爭取做，
想响呢度做一世乞衣王子嗎？
仲有搞到梳化房個層架臭崩崩，變成你私家廁所，
你究竟幾時先生性架！

唔好再加貓！

二寶：媽媽問我，點樣先可以令大家乖啲，照顧好呢個家？
我話好難的，因為每個貓都有自己性格，每個都有自己要求，
咁你要滿足咗我哋要求，我哋先會乖架嘛！
我都知媽媽辛苦，我哋貓口眾多，無法子喎！如果媽媽想生活好啲，就要記得記得記得唔好再加貓！
媽媽你既限額係十五隻，超過呢個數就辛苦！如果日後有緣貓數目下降至低過十五隻，先可以加貓！
出一隻，可以收番一隻，否則就辛苦！
記住呀，邊個再畀貓你，一定係整蠱你，千祈唔好上當呀！
好自為之啦，我去玩啦！Bye~

彩虹橋的信差

hi，大家認得我二寶嗎？
今日brenda姨姨上來彩虹橋同我傳心，我話佢知，我衣家好開心呀！
我已經開始新生活，好忙，所以無番過屋企！
媽媽聽到我咁講，有開心，亦有我落，我竟然無掛住屋企啊！
其實我在彩虹橋有好多工作，其中一項係做信差，將A要說的話走去告知B！
你哋梗係覺奇怪呢，明明在彩虹橋無地域界限，想去邊只要諗一下就可以嗖一聲去到，
駛咩我做信差呀！
咁下下咁容易就唔好玩啦，都要制定一啲界限，咁我哋生活先有樂趣，亦可以模擬在世時的生活嘛........
好啦，講住咁多先，明晚再續.....

安仔覆診

安仔今日覆診，體重有3.75kg，比之前既3.45kg重咗少少，但點解重得咁少架？

以為安仔打咗一個月共四針造血針，肉球粉紅色，應該紅血球回復正常啦，
點知只係由19%升上22%，距離30%仲好遠啊！
所以醫生開多四枝造血針，下星期一開始隔個星期打，
今日先打鐵針，咁樣先能有效幫助造血！
至於肌肝酸同上次一樣，雖然無然再改善，都係腎病二期，但唔緊要啦，呢個指數保持得好，生活質素好就得啦！

美好的回憶

多得媽媽朋友的相簿，媽媽又見到迪奇哥哥啦，係2009年1月24日，
當時我哋仍年輕呀，迪奇哥哥六歲，我蘇菲只係四歲咋，
仲有好朋友Sa Sa呀~~

今天，Sa Sa同迪奇哥哥應該係彩虹橋相遇了~~
迪奇哥哥、Sa Sa姐姐，你哋好嗎？

陽光與驟雨

今朝雖然西貢落過驟雨，但我哋如常出發去到南風，好好陽光呀~~
不過我蘇菲係婆婆級,媽媽話唔好曬咁多，所以曬一陣就落水然後上番沙灘帳篷~~

點知忽然落起大雨~~

海卜獨木舟敊叔快啲呀~~

加油加油~~

安全埋舟咯~~

 

八年前的陳小咪

2010年7月7日，八年前的今天，小咪第一天到迪蘇家。
蘇菲：你係乜東東？咁細粒既？


陳小咪，今天已經是貓之大家姐了~~~

ikea貓棒

小風鍚蘇菲

翁口綿

媽媽：呢兩袋衫我架！
(翁住口面)肥綿：係咩？
媽媽：畀你瞓一晚咁多啦！

領養條件

領養須知：窗網家訪，缺一不可，非誠勿擾！

三層住戶

三樓住戶：小風~

二樓住戶：元元~~

一樓住戶：肥綿~~

媽媽：住還住，唔好推冧嘢或抓爛哂紙箱呀唔該！