皂

哈，30%月桂果油阿勒坡皂！

大膽小強

貓爺們：可惡！

小強：我好驚呀，驚跣腳呀.....

追債

行行：媽媽，咩黎架？
媽媽：你又學貓爬上去？
行行：唔得咩，咪睇少我！

群貓貓：開飯呀~~喵喵喵~~~
媽媽：@@

又上貓台

媽媽：行行你又上咗去？ 

行行：係呀，我鍾意高啲，好似其他貓咁~~

媽媽：拿你小心呀，一陣自己逐層落，唔好跳落黎呀，你跳唔到架！

思考貓生

媽媽：gooloo做乜一副諗樣？

gooloo：我思考貓生中！

gooloo：諗下我個樣會變成？

好凍咩？

媽媽：乜好凍咩？咁快黐埋一堆？

安仔睇醫生

安仔：呢度邊度黎？
媽媽：呢度診所呀，今日醫生同你檢查，牙肉紅哂，打支長效抗生素，下星期洗牙~~

安仔：呢度好大間喎！
媽媽：係呀，畀城大收購咗日後做教學醫院嘛，今日仲發現原來旁邊裝修既鋪位，同pavc一樣色，原來擴充呀！
唔知幾時啟用呢？

要坐

媽媽：肥綿小姐，我圍裙都未除，你咪坐埋黎啦~~
肥綿：我好攰呀，要坐~~~

甩片

行行B：我要玩~~
媽媽：玩咩呀？幫你買咗紙尿片呀，着啦~~

行行B：又包住我~~

媽媽：哎呀，條片甩咗呀........

好臭呀

行行B：媽媽，做乜包住我？
媽媽：你屙爛屎，.瀨到成屋都係屎，好息呀，抹唔切，搵個文件夾幫你包住尿片先！聽日去搵下有無啱你既寵物尿片....

8號風球

今朝六點掛咗八號風球，我哋好平安呀，唔大風，又唔太雨。

貓地有避風樹窿~~

我蘇菲都有防風洞呀~~媽媽，你放心番工啦，我會睇實佢哋啦啦~~

損左

小寶：肥綿姐姐，做乜唔開針呀？ 

肥綿：我個鼻損咗~~~
媽媽：梗係早幾你同王子交時，王子送你啦！抵死咯....

攬貓的早上

今朝落大雨，在家攬攬貓，希望避過水浸啦~~

好凍咁？

媽媽：今晚落雨涼咗啲啫，乜你哋黐埋一齊好似好凍咁既？

又整冧嘢

媽媽：搞錯呀肥綿？！又整冧嘢？！
肥綿：你估我想架？

爬上去

媽媽：行行B，你點上去架？
行行：爬上去咯！
媽媽：@@

周六下午悠悠閒

媽媽：你哋好歎吖~~~我無掟企啦.....

瞓成咁様樣

媽媽：行行B，點解你瞓成咁樣樣架？
行行：點呀，唔得呀？

登高

行行B：媽媽你睇下我！

媽媽：下，你點上到去架？小心呀，跌瓜你呀！

吸塵專車

爛貓

蘇菲：媽媽，隻貓好好枕，但畀貓咬到爛頭爛腳兼爛尾，你快啲買過隻新架啦！
媽媽：我都想，之前明明見好多貓款架，最近去搵，變哂狗同其他動物，唔得意，又無咁扁個身方便你枕喎！
我會繼續留意，一有新貓就帶番來！

扭親腳？

自從上星期二去彭福後，我迪奇左腳有少少痛，行路時就住周就。媽媽叫我休息下喎......
聽日無得去彭福LU~~

formaul b~~~行行b片住出來~~

靚哂

迪奇：我哋今日終於剪咗毛啦！仲剪到好夜，11點先剪完呀~~~
典解？因為健哥哥夜晚八點幾九點先來到開始剪咯......
靚哂！

安樂哂~

媽媽：安仔，點解你個肚....好似跌咗落來咁？
安仔：無呀，錯覺！

媽媽：樂樂豬，唔好咁睥住我啦.......你好乖仔呀，終於適應到，得閒又會入我房行下，你安心住啦！如果搵唔到好家，就一世向度住啦！

迪蘇都毛臣臣

媽媽：迪奇你又變長毛狗了...

媽媽：蘇菲好些少，但個個都毛臣臣了！
約咗健哥哥，星期六來幫你哋飛髮！

Gooloo曬太陽

媽媽：gooloo大少，你曬太陽殺菌呀？

Gooloo：唔係，我冥想啫~~

媽媽：可唔可以唔好咁樣衰？

Gooloo：家陣毛臣臣好核突呀你！

彭福又有慘案

好靚黃昏景呀~` 

我哋今日五點幾先到，媽媽一到就同狗友八吓尋日唐狗咬死芝娃娃慘劇......
事綠芝娃娃行理唐狗旁，唐狗聞佢pat pat時芝娃娃狂吠，下一個鏡頭已經係唐狗咬住芝娃娃fing，後後好快雙方家長出現，芝娃娃送;院，可惜最後心跳停頓...\
唉，陰功，愛犬芝娃娃就咁一命烏呼

本來媽媽想八下邊個兇手，但其實都係意外，唐狗家長亦好負責全程跟去醫院並付醫療費,所以呢，做小狗做乜咁惡唔識死呢......
我迪奇就無咁傻啦....

蘇菲烈女雖然會鬧八婆交，但見到大狗會趴响地或反肚.....點會同大狗嘈呢？

今日媽媽掛住八，我哋都無周圍行，陪住媽媽hea咗陣，天黑了，回家咯！

正常番

早兩日開始無胃口，嚇死阿媽！嚇到佢要溝正常罐罐畀我食！
今日，我正常番lu~~

安樂安樂

媽媽：樂樂，你終於出廳自在咁飲水啦，唔再匿埋梳化後面。
你乖，媽媽知你要離開舊屋企好唔開心，來到我家後一直悶悶不樂。但你放心，安心住落先，我會幫你搵個好屋企的！

媽媽：安仔好叻仔，好快適應，無咁唔開心！放心，面前既都係幸福日子，你安心在這裏住啦！