好多款口味

剝咗牙既我，尋晚都無乜胃口，口好痛，只係lam咗少少雞肉醬罐罐。
今朝，媽媽以為我可以食多啲，但我都係食咗少少，又痛又無牙，盡咗力啦！
夜晚，媽媽買多咗牛肉味同吞拿魚味！我好胃口呀，食咗一罐！
媽媽叫我盡量食，食得夠先可以餵藥，要食抗生素同止痛藥，如果食唔夠，止痛藥可能會傷胃喎！
我好叻架，聽日會再食多啲！食得多，快啲康復，快啲肥番！

剝哂牙？！

尋晚既我，好地地~~

今晚既我，無哂心機呀~~

今朝媽媽帶咗我去太平道診所~~

醫生檢查完後，話我牙肉發炎，後面啲牙爛哂，牙肉含哂膿腫痛，要幫我剝哂所有牙~~好彩最後，剝剩兩隻，上面有一隻犬齒，下面有一隻大牙！今晚番到屋企仍然好痛，痛到食唔到嘢，無心機，要黐住媽媽休息得.....

MJ妹

上星期四絕育既藥房妹MJ，星期六已經送番藥房~~

絕育前係惡雞乸，絕育後係嗲妹豬，真係有啲唔捨得你！

之後晚晚放工都去探佢！呢張係星期二影既，MN妹妹好似知我會黎咁，响鋪面等我~~
今日放工幫佢除埋罩，傷口好靚！西貢愛協真係得！

貓啡

肥線啡

烏嘴啡

豆豉啡

豹啡

小寶啡

小虎啡

黑啡／齋啡

小咪啡

美啡

咁多杯貓啡，你要邊杯呢？

小天使

今日有人求救，學校發現貓b，經眾熱心人士保溫餵奶(可惜係牛奶)後送醫生處~~

之後輾轉來到我家，bb已經好弱，無哂力~~

瞓住暖水袋，正想調一點新鮮暖奶給bb~~但bb己經等唔切~~

去了彩虹橋~~

甚麼都沒能給你就要離開，好孤單，姨姨只能給你小小食物，好陪你上路！十一點半寵之天國叔叔將你接走，火化後mandy姨姨會給你葬在公園林蔭處。bb下世要做給人愛護的孩子啊！

累死了

豆豉眼今日好乖，陪我去出席照顧暫託貓講座，做完示範小貓模後，去咗附近探一位好鍾意佢既姨姨，仲老實不客氣，跳上貓塔度瞓覺~~

番到屋企，.攰爆，一食完晚飯就上牀，連後面二三寶大戰都唔理~~

ok，小乖乖你抖下啦，明日再戰過！

11歲迪奇

今日我迪奇11歲生日啦，係阿伯狗呀！
生日要食生日蛋糕，但係媽媽無買新蛋糕，因為蘇菲果個仲有四分三！吓，點解食極都食完哂既？
好啦，咁我迪奇努力幫口啦！

媽媽：食過生日蛋糕，繼續健健康康，繼續同蘇菲去遊山玩水！ok？
迪奇與蘇菲：ok！

藥房妹

呢隻惡妹來自馬鞍山恒利藥房，上周六發情黎咗我家等安排絕育！惡妹由入門第一日起發脾氣，搞到我都唔太敢騷擾佢，等佢冷靜同安靜！
尋日朝，終於送咗去西貢愛協，估唔到離開陳家，即刻溫柔咗~~

夜晚接番，响度到竟然咕咕咕，轉性呀！
之後摸佢，佢都好快咕，但一有貓行近，佢又發嬲，原來佢只愛人，不愛貓！
阿妹，你好好休息多一晚，明日或者送你番藥房，等你安心啲！

二三寶絕育

尋晚好凍！朝早得果7.4度出發去絕育既二寶，番到屋企成晚黐實蘇菲~~

仲有小雲同小虎相伴~~

好慘樣，好需要人錫番~~

三寶個樣仲慘，鼻鼻仲紅哂，一定係驚得滯用鼻猛磨個貓袋，陰公豬咯~~

結果今晚三寶個鼻變成咁~~

哈哈，二寶呢，依樣咁靚仔！

天氣寒冷

各位主子，起身啦~~

喂喂喂，係咪當我說話無到呀！要起身啦！雖然今朝得7.4度，都要起身架~~

可惡，賴牀不起？！
好啦，畀多15分鐘你哋，我去完廁所就來清場~~！

癬癬復發？

村姑蘇菲出發啦！

今日我迪奇楂車！

到咗太平道啦～～但係等等等等，等咗好耐～～～
先睇到ｋａｒｅｎ醫生！

呢啲係蘇菲心口懷疑癬癬，醫生雖用紫外光燈照過無呈瑩光色，但據臨牀經驗似係癬～～

咁點算呢？醫生話用消毒藥水每日抹兩次先～～

噢，我都要出場，呢度係肚肚髀罅，白色泡仔內應該係細菌～～

仲有心口近手臂位有粒粒疹～～

哎呀，唔通我都要食藥？
好彩，醫生話唔駛，情況唔嚴重，而且抗食生素有機會刺激到免疫系統，所以都係搽消毒藥水就夠！

而蘇菲就有後傋癬藥，如果搽消毒藥水唔好，又或出得更多，就食抗癬藥啦！

好濕呀！

濕死啦！抽濕機開動中~~

書房冷氣開動中~~

哎呀媽媽做乜唔畀我迪奇同蘇菲入書房呀？
媽媽：哎呀書房又凍又未夠乾，你哋响出面等下先啦，或者黐住抽濕機附近乾爽位置啦！

媽媽：濕到大廳啲貓都無心機！

小雨：抽極都係咁濕架？媽媽點算呀？
媽媽：嗚，我都想知點算？開大廳冷氣抽濕又凍得滯，開房果部又益唔到你哋！淨係抽濕機又唔夠，唉，救命呀！